Засгийн газрын ээлжит хуралдаанаар ШӨХТГ-ын даргыг томиллоо. Учир нь тус газрын даргаар ажиллаж байсан О.Магнай өнгөрсөн сарын эхээр өөрийн хүсэлтээр ажлаасаа чөлөөлөгдсөн. Тиймээс Засгийн газар хуралдаж, МАН-ын Шинэчлэлийн хорооны дарга Т.Аюурсайханыг ШӨХТГ-ын даргаар томилсон юм. Т.Аюурсайхан 2012 оноос МАН-ын Шинэчлэлийн хороог тэргүүлж байгаа юм.

Т.Аюурсайхан 

1975 онд Улаанбаатар хотод төрсөн.

Ам бүл 5. Эхнэр хүүхдүүдийн хамт амьдардаг. Эдийн засгийн ухааны доктор.
Англи, орос, турк, япон, солонгос хэлтэй.

Боловсрол:
1983-1993 Нийслэлийн 23 дугаар дунд сургууль.

1994-1999 Турк улсын Докуз Ейлүл их сургууль эдийн засагч мэргэжлээр төгссөн.

2004- Киргиз улсын Бишкек хотод судалгааны арга зүйн чиглэлээр мэргэжил дээшлүүлсэн.

2004-2006 Сөүлийн Үндэсний их сургуулийг олон улсын хамтын ажиллагааны магистр, Японы Олон улсын их сургуулийг олон улсын хөгжлийн эдийн засгийн магистрын зэрэгтэй дүүргэсэн.

Ажлын туршлага:
2000-2005 Аста Пресс ХХК-д Ерөнхий захирал

2006 Баярсконстракшн ХХК-д эдийн засгийн зөвлөх

2006-2009 Монгол Улсын Ерөнхийлөгч асан Н.Багабандийн шадар туслах

2008-2012 Чингэлтэй дүүргийн ИТХ-ын төлөөлөгч, тэргүүлэгч, ИТХ-ын Экологи, байгаль орчин, тохижилт, үйлдвэрлэл, үйлчилгээний хорооны дарга

2012- Чингэлтэй дүүргийн Засаг дарга

Намын ажлын туршлага:
2009-2012 Монгол Ардын Намын УЗ-ийн ХЭГ-т улстөрийн ажилтан, Ерөнхий нарийн бичгийн даргын зөвлөх

2008 Чингэлтэй дүүргийн МАН-ын хорооны гишүүн

2009 Нийслэлийн МАН-ын 95-р үүрийн дарга, тэргүүлэгч

2009 Нийслэлийн МАН-ын Хяналтын хорооны гишүүн

2010 МАН-ын Бага хурлын гишүүн

2012 оноос МАН-ын Шинэчлэлийн хорооны Бодлогын зөвлөлийн даргаар ажиллаж байна.