УИХ-ын гишүүн Г.Уянга Чингисийн талбайд сандалтай суулт зохион байгуулж байгаа билээ. Тус цуглаан өнөөдөр үргэлжилж байгаа юм. “Монголын нэг өдөр-2014” нэр дор зохиогдож байгаа тус цуглаанд өчигдөр ахмад голдуу хүмүүс ирсэн байсан юм. Энэхүү цуглаанаа Г.Уянга гишүүн "Эрх баригчдад амьдрал таниулах ардын цуглаан" хэмээн нэрлээд байгаа юм. Тиймээс УИХ-ын гишүүдэд цуглаанд идэвхитэй оролцохыг уриалж албан бичиг явуулжээ. "Архитай, архичинтай тэмцмээр байна", "Малгүй болсон Монголын иргэд энэ орны иргэн мөн үү", "Соёлын сайд СӨХ-ны соёлгүй байрны зовлонг мэдэх үү", "Олон намын систем олон шашны урсгал газар авч байна. Их хурал дахь намуудыг тараая" гэсэн уриа лоозон барьсан иргэд өчигдөр сандалтай жагсаалд оролцсон.