УИХ-ын нэр бүхий гишүүдийн ашигладаг гар утасны дугаараас өөрсдөд нь болон бусад хүмүүст 1. Хятад царигаар хилээ сэтлүүлж, 2. "Bank of china"-аар барьцаалуулж, 3. Гадныханд газраа 100 жилээр өмчлүүлэх асуудалд та саналаа өгнө үү гэсэн мессеж ирж бөөн дуулиан болсон. "Мобиком"-ынхон үүний хариуд "Румын, Мальт зэрэг улсаас тус мессеж ирсэн, бид хакердуулсан" гэсэн мэдэгдлийг гаргаад байсан билээ. Харин Тагнуулын байгууллагынхан энэ асуудалд шалгалт хийж үүнд Монголоос , тэр дундаа УИХ-ын сөрөг хүчний нэгэн гишүүний утаснаас бичсэнийг тогтоосон байна. Одоогоор тус хэрэгт нарийвчилсан шалгалт хийж байгаа бөгөөд "УИХ-ын Тусгай хяналтын дэд хороогоор хэлэлцэх шаардлагатай" хэмээн үзэж байгаа ажээ. УИХ-ын гишүүний халдашгүй бүрэн эрхэд хамаарах тул цаашид шалгалтыг зохих хууль дүрмийн дагуу явуулах эрх нь УИХ-д байгаа гэнэ.