Төрийн өмчийн ерөнхий боловсролын сургуулиуд ачааллыг дийлэхгүй, анги танхим хүрэлцэхгүйгээс байр түрээслэн хичээллэж байна. Нийслэлд гэхэд 46-аас дээш сурагчтай 1089 бүлэг хичээллэж байгаа нь боловсролын салбарын бодит нөхцөл байдлыг илтгэх ноцтой үзүүлэлт.

Гэтэл Монгол Улсын 2026 оны төсвийн тодотголд хувийн сургуулиудад зориулан 9.8 тэрбум төгрөгийн санхүүжилт туссан гэх мэдээлэл УИХ-ын Өргөдлийн байнгын хорооны хуралдааны үеэр гишүүдэд тараасан задаргаанаас ИЛ БОЛОВ.

Боловсролын яам үүнийг эхлээд "төсөв хүссэн өргөдөл гаргасан" гэсэн боловч дараа нь  “ачаалал тэнцвэржүүлэх, төрөлжүүлэх” чиглэлийн санхүүжилт гэж  хоёр үзүүртэй тайлбарлаж буй.

Хамгийн ноцтой нь, Ерөнхий сайд Н.Учралын хамаарал бүхий буюу түүний ээж Ж.Цэцэгмаагийн нэр дээр байх “Их Засаг Кингс Скүүл” болон "Шинэ санаа", "Империал" зэрэг сургуулиудад төсвөөс 9,8 тэрбум төгрөг төсөвлөсөн байжээ.

Тодруулбал, ачаалал тэнцвэржүүлэх, төрөлжүүлэх чиглэлд  “Их Засаг Кингс Скүүл”-д 3.5 тэрбум төгрөгийг олгохоор төсөвт хуваарилсан байжээ.

Энэ нь төрийн өмчийн сургуулиуд ачааллаа дийлэхгүй байгаа нөхцөлд хувийн сургуулиудад төсвөөс 9.8 тэрбум төгрөг зарцуулж байгаа нь ДАБЛЬ СТАНДАРТ буюу ашиг сонирхлын зөрчилтэйг давхар баталж буй.

Төрийн өндөр албан тушаалтан төсвийн хөрөнгийг нийтийн эрх ашигт үйлчлэхэд зарцуулах үүрэгтэй. Харин төрийн эрх мэдэл, төсвийн хөрөнгө нь хувийн бизнес, өөртэй нь хамаарал бүхий ашиг сонирхлыг дэмжих хэрэгсэл болж болохгүй. Учир нь төсөвт төвлөрч буй мөнгө бол төрийн албан тушаалтны хувийн хөрөнгө бус, ИРГЭДИЙН ТӨЛСӨН ТАТВАРЫН МӨНГӨ шүү...