УИХ-ын дарга асан Д.Амарбаясгалангийн зөвлөх байсан Н.Булгантамир Цэнгэг усны нөөц, байгаль хамгаалах төв УТҮГ-ын захирлаар томилогджээ.

Түүний хувьд  өмнө нь МЗХ-ны Нарийн бичгийн дарга, “Эрдэнэс үйлдвэрлэл, технологийн парк” ХХК-ийн Олон нийттэй харилцах албаны даргаар ажиллаж байжээ.

Тэгвэл Цэнгэг усны нөөц, байгаль хамгаалах төв УТҮГ-ын захирлаар томилогдсон Н.Булгантамирын 2024 онд АТГ-т шинэчлэн мэдүүлсэн ХОМ-ийг хүргэж байна.

Тэрээр 2023  онд Шивээ Овоо ХК-д ажиллаж байхдаа жилийн 43 сая төгрөгийн орлоготой гэж байсан бол 2024 онд УИХ-ын даргын зөвлөх болсноор түүний жилийн орлого 120 сая төгрөг болж, 3 ДАХИН нэмэгджээ.

Тэрбээр мэдүүлэгтээ:

Өөрийн орлого: ₮120 сая
Гэр бүлийн орлого: ₮0 сая
Хөрөнгө борлуулсны орлого: ₮0 сая
Орон сууц барилга байгууламж: ₮395 сая  /Орон сууц-1 /
Тээврийн хэрэгсэл: ₮66 сая  /Hyundai Porter , Toyota LEXUS RX330 маркийн  тээврийн хэрэгсэлтэй/
Мал аж ахуй: ₮20 сая /Хонь-97/
Газар: ₮45 сая /Эзэмших-500м2-1/
Үнэт эдлэл, урлаг, түүхийн үнэт зүйл: ₮35 сая
Хадгаламж: ₮5,2 сая 
Авлага: ₮9,5 сая
Зээл:  ₮13 сая гэж мэдүүлжээ.

ТӨГССӨН СУРГУУЛЬ, МЭРГЭЖИЛ

2016 онд Нийслэлийн 52 дугаар дунд сургууль

2022 онд Отгонтэнгэр их сургуулийн Хууль зүйн сургууль, эрх зүйч, магистр

2022 онд АНУ-ын Harvard Kennedy School төрийн бодлого, нийгэм, эдийн засаг, гадаад бодлогын сертификат

АЖИЛЛАСАН БАЙДАЛ

2020-2022 онд Отгонтэнгэр их сургуулийн Хууль зүйн сургуулийн багш

2023-2024 онд “Шивээ-Овоо” ХК-ийн ТУЗ-ийн Нарийн бичгийн дарга

2023 онд Монголын Залуучуудын Холбооны Нарийн бичгийн дарга

2023 онд “НҮБ”-ын Нийгэмлэгийн Удирдах зөвлөлийн гишүүн

2024 онд “Эрдэнэс үйлдвэрлэл, технологийн парк” ХХК-ийн Олон нийттэй харилцах албаны даргаар ажиллаж байжээ.