Засгийн газрын ээлжит хуралдаан үргэлжилж байна. Өнөөдрийн хуралдаанаар зарим арга хэмжээг цуцалж байна. Үүнд, Бүсийн чуулган, салбарын ой, форум, хурал гээд бүх арга хэмжээг цуцалж, санхүүжилтийг нь зогсоолоо. Мөн Засгийн газрын зөвшөөрөлгүй гадаад томилолтоор явахгүй. Хурал, чуулган зохион байгуулах шаардлагатай бол цахимаар хийхээр болжээ.

Хэмнэсэн төсөв өвөлжилтийн бэлтгэл, эрчим хүч, шатахууны хангамж, иргэдийн амьдралд хэрэгтэй ажлуудад зарцуулна гэлээ.