Засгийн газрын хяналт хэрэгжүүлэх газрын дарга П.Батбаатар Туулын хурдны замын ажлыг очиж шалгахдаа рийл хийсэн нь олны анхаарлыг татав. Учир нь П.Батбаатар дарга Нийслэлийн авто замын хөгжлийн газрын дарга Б.Одбаярыг загнасан сүр дуулиантай бичлэг хийж, микрофон зүүгээд хүн загнаж оноо авах үзэгдлийг үргэлжлүүлэгч боллоо.

Үүнийг харсан олон нийт үнэхээр л ингэж ажлаа тултал хийдэг юм бол камерын хэрэг юусан билээ П.Батбаатар дарга аа, ажлаа хийхдээ камераа л унтраачих гэж буй.

Нэгэнт л ингэж сайн ажилладгаас хойш таны ажил камертай камергүй л торойх байлгүй, тийм ээ. Үгүй бол та камертай үед л ажлаа сайн хийдэг дарга нараас юугаараа ялгагдах бэ?

Засгийн хянагч П.Батбаатарын хийж байгаа ажил нь зөв ч хүн загнаж ажил хийсэн харагдах үйлдэл, хандлага нь буруудав.

Тэгвэл Засгийн газрын хяналт хэрэгжүүлэх газрын дарга П.Батбаатарын 2024 онд АТГ-т мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮77 сая /жилийн/
Гэр бүлийн орлого: ₮41 сая /жилийн/
Орон сууц барилга байгууламж: ₮574 сая /орон сууц-2 /
Тээврийн хэрэгсэл: ₮32 сая  /Toyota, Camry маркийн тээврийн хэрэгсэлтэй /
Мал аж ахуй:₮0 сая 
Газар: ₮0 сая                                                                                                                                                                      Үнэт эдлэл, урлаг, түүхийн үнэт зүйл:₮3 cая
Хадгаламж: ₮21 сая
Авлага: ₮0 cая
Зээл:  ₮189 сая гэж мэдүүлжээ.