Гэр бүл, хөдөлмөр, нийгмийн хамгааллын сайд Т.Аубакир мэдээлэл өглөө.

Тэрээр "Гэр бүлийн хөгжлийг дэмжих тухай хууль маш чухал. Хүн ам зүйн бодлогоо манай улс ямар бодлогоор баримтлах юм гэдэг чухал. Төрөлт жилээс жилд буурч байна. Олон хүүхэдтэй гэр бүлийг эдийн засгийн хөшүүргээр хэрхэн дэмжих вэ гэдэг маш чухал хууль.

Гурав ба түүнээс дээш хүүхэдтэй өрхийн эцэг, эхийн аль нэгний орлогын хөдөлмөрийн хөлсний доод хэмжээ болон түүнтэй адилтгах орлогын албан татвараас чөлөөлөхөөр байгаа. Энэ маань төсөвт нөлөөлнө гэсэн үг. Нийт 206 орчим тэрбум төгрөгийн татварын бүрдүүлэлт буурна гэсэн үг. 

Өнөөдөр бид олон хүүхэдтэй байх бодлогыг дэмжээд явахгүй бол 20 жилийн дараа манай улс амаргүй байдалд очно. Дэлхийн бүх улс орнууд төрөлтийг дэмжих, олон хүүхдийн бодлогыг баримталж ажиллаж байна.

Мөн Тэтгэвэр нь шударга бус 130 мянган ахмадын зөрүүг ЯАРАЛТАЙ ШИЙДНЭ. Мөн ирэх онд тэтгэврийг нэмэгдүүлнэ" гэлээ.