Боловсролын сайд П.Наранбаяр, Эрчим хүчний сайд Б.Чойжилсүрэн нар Засгийн газрын гишүүнээс чөлөөлөгдөх хүсэлтээ 2026 оны хаврын чуулган эхлэхтэй зэрэгцэн өгөөд байгаа билээ.

Тэгвэл уг асуудлыг маргааш буюу 2026 оны гуравдугаар сарын 18-ны өдрийн УИХ-ын чуулганы нэгдсэн хуралдаанд танилцуулахаар болжээ. 

Тодруулбал, маргааш 14:00 цагаас чуулганы нэгдсэн хуралдааныг хуралдуулж Засгийн газрын гишүүдийг чөлөөлөх, томилох талаарх Ерөнхий сайдын танилцуулгыг хэлэлцэхээр төлөвлөжээ. 

 Үүний дараа ор залгах шинэ сайд нарыг томилох асуудал яригдах бололтой.