Төрийн өндөр албан тушаалтнууд АТГ-т 2024 оны хөрөнгө орлогын мэдүүлгийг шинэчлэн гаргасан байна. Энэ хүрээнд бид парламентад иргэдийг хэн хэн төлөөлж байгаа, тэдний ХОМ-ийг хүргэж байгаа билээ.

Тэгвэл энэ удаа  4 дэх удаагаа парламентад сууж буй ЗГХЭГ-ын дарга, УИХ-ын гишүүн С.Бямбацогтын 2024 онд АТГ-т шинэчлэн мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮67 сая
Гэр бүлийн орлого: ₮346 сая
Хөрөнгө борлуулсны орлого: ₮0 сая
Орон сууц барилга байгууламж: ₮3,6 тэрбум  /Орон сууц-3, Үйлчилгээний зориулалттай барилга-1/
Тээврийн хэрэгсэл: ₮0 сая
Мал аж ахуй: ₮0 сая
Газар: ₮1,1 тэрбум /Эзэмших-216м2-1, Өмчлөх-227.45м2-1, Өмчлөх-336м2-1, Өмчлөх-372м2-1 нийт 4 газартай/
Үнэт эдлэл, урлаг, түүхийн үнэт зүйл: ₮249 сая
Хадгаламж: ₮3,2 тэрбум
Авлага:  ₮3,3 сая
Зээл: ₮0 сая гэж мэдүүлжээ.

Эргэн сануулахад, саяхан гэхэд Батлан хамгаалах яамны төсвөөс С.Бямбацогт сайд тэргүүтэй 5 хүний төрсөн өдрийг тэмдэглэхэд 7 сая төгрөг гарган мөнгөн аяга авсан нь олон нийтийн шүүмжлэлд өртөж байсан удаатай. 

Тухайн үед "би мөнгөн аяга аваагүй" гэсэн тайлбарыг хэвлэлд өгдөг ч тэр мөнгө нь төсвөөс гарсан баримт нь ил болсон байдаг.

Түүний ажлын туршлагын хувьд

• 1998-2000 онд "Ховдын өргөө" ХХКомпаний ерөнхий захирал

• 2000-2006 онд "Нью Прогресс" ХХКомпаний захирал

• 2006-2008 онд "Нью Прогресс" группын Төлөөлөн удирдах зөвлөлийн дарга

• 2008 онд "Нью Прогресс" группын Ерөнхийлөгч 2008-2012 онд Монгол Улсын Их Хурлын гишүүн

• 2012-2016 онд Монгол Улсын Их Хурлын гишүүн

• 2013-2016 онд Монгол Улсын Их Хурал дахь Монгол Ардын Намын бүлгийн дарга

• 2016-2020 онд Монгол Улсын Их Хурлын гишүүн

• 2016-2017 онд Монгол Улсын Засгийн газрын гишүүн, Хууль зүй, дотоод хэргийн сайд

• 2018-2019 онд Ёс зүйн дэд хорооны дарга

• 2019-2020 онд Монгол Улсын Их Хурлын Төрийн байгуулалтын байнгын хорооны дарга

• 2020 оноос Монгол Улсын Их Хурлын гишүүн

• 2020-2022 онд Монгол Улсын Их Хурлын Хууль зүйн байнгын хорооны дарга

• 2022-2024 онд Монгол Улсын Засгийн газрын гишүүн-Зам, тээврийн хөгжлийн сайд

• 2024 оноос Монгол Улсын Их Хурлын гишүүн

• 2024-2025 онд Монгол Улсын Засгийн газрын гишүүн, Батлан хамгаалахын сайд 2025 оноос Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын даргаар ажиллаж байна.