УИХ-ын гишүүн асан Б.Жаргалмаа БНСУ дахь ХНХ-ын үйлчилгээний төвийн даргаар томилогджээ.

Тодруулбал, Өнгөрсөн сарын 13-ны өдөр Гэр бүл, хөдөлмөр, нийгмийн хамгааллын сайд Л.Энх-Амгалангийн тушаалаар түүнийг БНСУ дахь Хөдөлмөр, нийгмийн хамгааллын үйлчилгээний төвийн даргаар томилсон байна.

Тэгвэл БНСУ дахь ХНХ-ын үйлчилгээний төвийн дарга болсон Б.Жаргалмаагийн 2023 онд АТГ-т мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮62 сая
Гэр бүлийн орлого: ₮13 сая
Орон сууц барилга байгууламж: ₮150 сая /Зуслангийн байшин-1 /
Тээврийн хэрэгсэл: ₮0 сая тээврийн хэрэгсэлгүй
Мал аж ахуй: ₮116 сая /Адуу-50, Хонь-280, Сайн үүлдрийн үхэр-30, Хурдан удмын адуу-2/
Газар: ₮160 сая /Эзэмших-128м2-1, Эзэмших-400м2-1, Өмчлөх-700м2-2 нийт дөрвөн газартай /
Үнэт эдлэл, урлаг, түүхийн үнэт зүйл: ₮235 сая
Хадгаламж: ₮6 сая
Авлага:  ₮207 сая
Зээл:  ₮49 сая гэж мэдүүлжээ.

Ташрамд дурдахад, Б.Жаргалмаа нь 2020-2024 оны сонгуульд МАН-аас нэр дэвшиж, УИХ-ын гишүүнээр сонгогдсон. Тухайн үед УИХ-ын чуулганы танхимд сайн сэтгүүлчийн үүргээ гүйцэтгэнэ гэсэн хүлээлт үзэгч олонд нь байсан. Гэвч парламентад сайн сэтгүүлчийн үүрэг гүйцэтгэхээс илүү намын батлахтай гишүүний ажлаа хийсэн нэгэн. Б.Жаргалмаагаар овоглох хуулийн төсөл байхгүй ч 2021 онд сэтгүүлчдийг Зөрчлийн тухай хуулиар буруутгах ёсгүйг хэлж, Б.Энхбаяр нарын гишүүдийн хамт Эрүүгийн хуулийн 13, 14 заалтыг өөрчлөх асуудлаар хуулийн төсөл өргөн барьж байв.