Засгийн газар хамтарч буй намуудад зориулж улсын хэмжээнд 123 төрийн өмчит компаниудад "Бүтээмжийн менежер", "Хяналтын менежер" гэх шинэ албан тушаалд МАН,АН,ХҮН намууд 400 хүн томилно ажилуулахаар төлөвлөж буй. 

Тодруулбал, Хамтарсан Засгийн газарт орсон намуудынхаа албан тушаалгүй үлдсэн “цүнхчид”, УИХ-ын сонгуульд өвдөг шороодсон улс төрчдөө албан тушаалтай болгох аргаа Төрийн өмчит компаниудад хийх РЕФОРМ нэрийн дор хийх гэж байна гэдгийг улс төрийн хүрээнийхан ч шүүмжлэл буй.

Одоогоор "Бүтээмжийн менежер" цоо шинэ Төрийн өмчийн компаниудад орлогч захирлын статустай албан тушаалд ХҮН намаас  20 орчим хүмүүсийг томилсон бол  мөн МАН, АН-аас 20 орчим хүн томилогдоод байна. 

Менежерүүдийн цалин ₮5-7 саяас эхлэх аж.

Төсөв сайтай Төрийн өмчийн компаниудад очиж буй менежерүүд Сангийн сайд Б.Жавхлангийн хэлсэнчлэн "Бүтээмж хариуцсан менежерүүдийг томилсноор ТӨСӨВТ ЯМАР НЭГЭН ДАРАМТ ирэхгүй" гэх нь юу л бол...

ТӨҮГ-уудыг ашигтай, бүтээмжтэй болгоё гэж байвал урагшгүй ТӨХК-иудын удирдлагуудын оронд “Бүтээмжийн менежер"-ээ тавьчихаж болдоггүй юм уу.

Татвар төлөгчийн мөнгийг хэмнэх хэрэгтэй бус уу ЗГХЭГ-ын дарга Н.Учрал, Хяналт үнэлгээний үндэсний хорооны дарга Э.Одбаяр, ТӨБЗГ-ын дарга Б.Цэнгэл, Сангийн сайд С.Жавхлан аа...

Энэ асуудлыг 2024 оны 11-р сарын 13-ны өдрийн Засгийн газрын хуралдаанаар албажуулсан байна. Тодруулбал: “Төрийн өмчит хуулийн этгээдийн өмчийн удирдлага, засаглал, хяналтын тогтолцоог сайжруулах, бүтээмж, үр ашгийг нэмэгдүүлэх зорилгоор төрийн өмчит хуулийн этгээдийн бүтэц, зохион байгуулалтад засаглал, ил тод байдал, комплаенсийн болон гүйцэтгэлийн үнэлгээ, дотоод аудитын хяналт хариуцсан удирдлагын чиг үүргийг бий болгож, холбогдох хуульд заасан шаардлага хангасан эрх бүхий албан тушаалтныг томилон ажиллуулах зохион байгуулалтын арга хэмжээ авахыг ЗГХЭГ-ын дарга Н.Учрал, Хяналт үнэлгээний үндэсний хорооны дарга Э.Одбаяр, ТӨБЗГ-ын дарга Б.Цэнгэл нарт даалгасан байна. Улмаар ТӨБЗГ-ын дарга Б.Цэнгэл Төрийн өмчит бүх компанийн гүйцэтгэх захирлуудад албан бичиг илгээсэн байна.