Донорын тухай хуулийн хэрэгжилтийг талаар Эрүүл мэндийн сайд Т.Мөнхсайхан УИХ-ын гишүүдэд мэдээлэл өгөв.

Тэрбээр, "Эрхтэн шилжүүлэн суулгах эмчилгээ манай улсад 1996 оноос эхэлжээ. Тэр үеэс эхлэн өнөөг хүртэл буюу 2023 оны жилийн эцсийн байдлаар нийт 824 эрхтэн, эд, эс шилжүүлэн суулгах мэс заслын тусламж, үйлчилгээ хийжээ.

Донороос 500 хүнд элэг, 400 хүнд бөөр,33 хүнд ясны чөмөг, 170 хүнд шөрмөс шилжүүлэн суулгах мэс засал хийгдсэн.

Тархины үхлийг тодорхойлох үйл явц MNS 4621:2008 стандарт, Эрүүл мэндийн сайдын 2023 оны А/198 тушаалаар баталсан журмаар зохицуулагддаг.

Өнөөдрийг хүртэл улсын хэмжээнд 21 эрүүл мэндийн байгууллагад тархины үхэл тодорхойлох баг ажиллаж, 278 боломжит донорыг илрүүлж, 37 гэр бүлээс зөвшөөрөл авч, 45 хүнд бөөр, 27 хүнд элэг, 170 гаруй хүнд шөрмөс шилжүүлэн суулгажээ.

2023 онд хийгдсэн судалгаагаар эрхтэн шилжүүлэн суулгах эмчилгээний дараах амьдрах чадвар дэлхийн дунджаас өндөр байгаа" гэв.