Долоо хоног бүрийн Лхагва гаригт Засгийн газрын ээлжит хуралдаан болдог.

Засгийн газрын өнөөдрийн /2025.04.02/ хуралдаанаар Засгийн газрын ээлжит хуралдаанд ЗГХЭГ-ын дарга Н.Учрал 39 ордыг стратегийн жагсаалтад оруулах асуудал хэлэлцүүлнэ.

Тодруулбал, Үндэсний баялгийн сангийн тухай хуулийг хэрэгжүүлэх ажлын хэсгийн ахлагч Н.Учрал Ерөнхийлөгч асан Х.Баттулгатай нэр холбогддог Төгрөг нуурын ордын талаар асуудал хөндсөн.

Тэрээр, "Ерөнхийлөгч асан Х.Баттулгатай нэр холбогддог “Төгрөг нуурын орд”-ыг одоо ярих цаг нь болсон. Тавантолгойн бүлэг ордын 50%, гурван тонны нөөцтэй, тусгай АМНАТ-аар бодоход 15 их наяд төгрөг ард түмэнд ирэх байсан ордыг 250 сая ам.доллароор дөрвөн гадаадын иргэнд оффшороор дамжуулаад зарагдсан. Адилхан яръя" хэмээсэн билээ.

Төгрөг нуурын орд Төгрөг нуурын бүлэг орд нь стратегийн 39 ордоос хоёрдугаарт эрэмбэлэгддэг Тавантолгойн бүлэг ордын 50 хувьтай тэнцэх орд аж.

 Геологичдын урьдчилсан таамгаар, энэ орд 20-30 км талбайг хамардаг, 3 тэрбум тонн хүрэн нүүрсний нөөцтэй аж.