Дарханы замтай 6 жил “зууралдсан“ Л.Халтар Хархорум хотын захирагчаар томилогджээ
Засгийн газрын өнөөдрийн хуралдаанаар зарим томилгоог хийжээ.
Тухайлбал, Зам тээврийн дэд сайд асан Л.Халтарыг Шинэ Хархорум хотын захирагчаар томилжээ.
Л.Халтарын хувьд төмөр замын мэргэжлийн хүн бөгөөд насаараа энэ салбарт ажилласан нэгэн.ОХУ-ын Санкт-Петербург хотын Төмөр замын сургууль, ОХУ-ын Эрхүү хотын Замын харилцааны их сургуульд тус тус суралцаж, төгссөн. Улаанбаатар төмөр замд орлогч даргаар ажиллаж байгаад 2018 онд Зам тээврийн хөгжлийн дэд сайдаар томилогдож байв.
Эргэн сануулахад, 2018 оноос хойш Зам тээврийн сайд, дэд сайд хийсэн тэрээр 204 км Дарханы замыг 6 жил бариад ч бүрэн барьж дуусгалгүй сонгуультай золгож байсан түүхтэй.
6 жилийн хугацаанд 204-хөн км замтай "зууралдсан" дэд сайд Л.Халтар Хархорум шинэ хот босгох ажлыг хийж чадах уу?









