ӨнөөдөрЛ.Оюун-Эрдэнэ: Монгол Улсын иргэн бүр 135,000 төгрөгийн ХАДГАЛАМЖТАЙ болсон
Монгол Улсын Засгийн газар өнөөдөр ээлжит бусаар хуралдлаа.
Засгийн газрын шийдвэрийг Ерөнхий сайд Л.Оюун-Эрдэнэ танилцуулах үеэр "Засгийн газрын үйл ажиллагааны хөтөлбөр батлагдсанаас хойш өнөөдөр 100 хонож байна. 2024 оны 12-р сарын 20-ны байдлаар Монгол Улс түүхэндээ хамгийн өндөр буюу 81.8 сая тонн нүүрс экспортоллоо.
2024 оны Улсын төсөв 1 их наяд төгрөгийн ашигтай гарсан тул үүний 50 хувь нь Тогтворжуулалтын санд төвлөрнө.
Үндэсний бялгийн санд 4 их наяд төгрөгийн бодит хуримтлал үүсээд байна. Энэ хөрөнгийг арвижуулах байдлаар зарцуулах эрх нээгдэж байна.
Хамгийн чухал Хуримтлалын санд Эрдэнэс Монгол болон хамтарч ажилладаг уул уурхайн ордын 34 хувьд ногдох иргэдийн хуримтлал байна гэж хуульд заагдсан.
"Ирээдүйн өв сан"-д 4 их наяд төгрөгийн хуримтлал үүссэн. Иргэдийн хуримтлалд 495 тэрбум төгрөг бүрдэж, нэг иргэнд 135 мянган төгрөгийн хадгаламж үүссэн. Бэлнээр зарцуулах боломжгүй. Зөвхөн эрүүл мэнд, боловсрол, орон сууцанд ашиглах боломжтой
Өнөөдрийн байдлаар Эрдэнэс Тавантолгой ХХК 4.3 их наяд төгрөгийн ашигтай ажилласан байна. Монгол Улсын хувьцаа эзэмшигч бүр 350 мянган төгрөгийн ногдол ашиг авах боломж бүрдсэн байна. Иргэдэд олгох ногдол ашгийг инфляцын дарамтаас сэргийлж нэг дор бус гурав хувааж олгох нь зүйтэй гэж шийдвэрлэлээ.
Аж ахуйн нэгжүүд орлогын татварынхаа 1 хувийг агаарын бохирдолд зарцуулж боломжийг нээнэ
Мөн өнөөдөр агаар, орчны бохирдлын талаар хэлэлцэж зарим шийдвэрийг авахаар боллоо. Нийслэлийн түгжрэл, агаар орчны бохирдол, хөрсний бохирдол гамшгийн түвшинд хүрсэн гэдгийг хүлээн зөвшөөрөх ёстой. Тиймээс өндөржүүлсэн бэлэн байдалд шилжүүлж байна. 1 хувийн татварын эрх зүйн орчныг бүрдүүлсэн. Аж ахуйн нэгжүүд орлогынхоо 1 хувийг Засгийн газрын зорилгын нийгэмд тустай зарим зүйл дээр дэмжлэг үзүүлбэл тухайн нэг хувийн татварыг авахгүйгээр үлдээх зохицуулалтыг хийсэн.
