Байгаль орчин, уур амьсгалын өөрчлөлтийн сайд С.Одонтуяа өнгөрсөн аравдугаар сард  төсвөөс  уулзалт хэлэлцүүлэг хийхэд 50 орчим сая төгрөг, Тизний төлбөрт "гадаад томилолт" нэрийдлээр 71 сая төгрөг зарцуулжээ. 

Тодруулбал,  Сайдын гадаадад хуралд оролцох тиз болон нислэгийн төлбөр, гадаад томилолт зэрэгт нийт 96,250,000 төгрөг зарцуулсан талаар шилэн дансанд мэдээлжээ. 

Задлан авч үзвэл:

Уулзалт хийхэд:

• Уулзалт хэлэлцүүлгийн хөтөлбөрийн зардалд- 6,750,000 төгрөг  /Блюскай эйжиа ХХК/
• Зөвлөлдөх уулзалтыг зохион байгуулах зардалд - 42,336,000 төгрөг / ШАНГРИ-ЛА УЛААНБААТАР ХОТЕЛ ХХК /

Гадаад томилолтод:

• Тизний төлбөрт- 61,522,210  төгрөг
• Сайдын гадаадад хуралд оролцох тизний төлбөрт- 10,592,400  төгрөг
• Гадаад томилолтын зардалд -24,135,944  төгрөг

Гэвч ХАВСРАЛТ хэсэгт зарлагын гүйлгээний мэдээлэл огт байхгүй, хаашаа, ямар томилолтоор хэдэн хүний ниссэн талаар мэдээллийг хавсралт оруулагүй байгаа нь Засгийн газрын ил тод байх шилэн дансны журмаа мөрдөөгүй, Төсвийн хэмнэлтийн тухай хуулийг зөрчсөн байна.

Хотын утаа нь аюулын түвшинд хүрч, иргэн нь эрүүл мэндийн үйлчилгээг авч чадахгүй байхад   хэлэлцүүлэг, гадаад томилолт нь сайд нарт чухал байгаа бололтой...