Сүүлийн өдрүүдэд 2025 оны төсөв хэлэлцэхээр зэрэгцээд зуданд өртсөн 109 мянган малчин өрхийн зээлийн хүү болох 87 орчим тэрбум төгрөгийг төсвөөс гаргахаар болсон нь шүүмжлэл дагуулав.

Энэ талаар ХХААХҮ-ийн сайд Ж.Энхбаяр "Манай яамны зардал өссөн. Учир нь зуданд өртсөн 109 мянган малчин өрхийн банкны зээлийн хүүгийн төлбөрийг 2025 оны эхэнд төлөх учраас манай яамны төсөв өндөр харагдаж байгаа. Энэ ойролцоогоор 87 орчим тэрбум төгрөг болж байна." гэсэн тайлбар өгөөд буй. 

Товчхондоо, малчдад учирсан эрсдэлийг даатгалаар биш улсын төсвөөс  гаргахаар болсон гэсэн үг.

Тэгвэл төсвийн мөнгө бол бидний төлсөн татварын мөнгө.

Жилийн 6%, 8% -ийн хүүтэй байрны зээлд ороход, мөн банкнаас зээл авахад зээлдэгч иргэн болон аж ахуйн нэгжийн бүх мэдээллийг зээл олгогч банк шалгаж, зээлийн эрсдлийг үнэлэн, долоо хэмжиж нэг огтолж байж зээл өгдөг билээ.

Гэтэл малчдад банк зээл олгохдоо эрсдлийг тооцож зээл олгосон байхад малаа алдсан малчдын зээлийн хүүг төсвийн мөнгөнөөс төлнө гэдэг ашиг сонирхлын зөрчилтэй шийдвэр мөн гэдгийг Ж.Энхбаяр  сайд мэдмээр юм.

Энгийн жишээгээр авч үзэхэд, даатгалтай машинаа шатаагаад шинэ машины үнийг ТӨРӨӨР төлүүлж байгаатай яг агаар нэг гэсэн үг. 

Иргэд татварын мөнгийг юунд зарцуулагдсан, зарцуулагдах гэж байгааг хянах эрхтэй. Төсөв буруу зарцуулалтыг сонгосон тойргийн УИХ-ын гишүүдээрээ дамжуулан залруулж, өөрчлөх эрх нь бий.

Энэ бол Улаанбаатар хотын байрны зээлтэй иргэд зээлээ төлж чадахгүй нь хэмээн төсвийн мөнгөөр төлүүлэх нь зүйд тохирохоор бус уу.