2025 оны нэгдсэн төсвийн төсөл УИХ-аар хэлэлцэгдэж байна. Засгийн газраас өргөн мэдүүлээд буй төсвийн төсөлд сайд нарын зардал зуу зуун тэрбумаар нэмэгдэж орж ирж байна.

Тэгвэл Боловсролын сайд П.Наранбаярт хуваарилсан ирэх оны төсвийг хүргэе.

Тодруулбал, Боловсролын сайдын урсгал зардлын төсвийг 663.4 тэрбум төгрөгөөр нэмэгдүүлэн 4,090.8 тэрбум төгрөгөөр төлөвлөсөн байна.

Тухайлбал,

•  Цалин, хөлс болон нэмэгдэл урамшууллын зардлыг 294.2 тэрбум төгрөг,
• байр ашиглалттай холбоотой тогтмол зардлыг 26.0 тэрбум төгрөг,
• нормативт зардлыг 67.7 тэрбум төгрөг,
• бусдаар гүйцэтгүүлсэн ажил, үйлчилгээний хураамжийг 92.5 тэрбум төгрөг,
• Засгийн газрын урсгал шилжүүлгийг 32.9 тэрбум төгрөгөөр тус тус нэмэгдүүлэн төлөвлөсөнтэй холбоотой байна.

Хөрөнгө оруулалтын төсвийг 198 төсөл, арга хэмжээнд нийт 506.3 тэрбум төгрөгийг улсын төсвөөс, 7 төсөл, арга хэмжээнд 85.6 тэрбум төгрөгийг гадаад зээл тусламжаар санхүүжүүлэхээр төлөвлөсөн байна.