Сэтгүүлч Б.Ганчимэгийн Ерөнхий сайд Л.Оюун-Эрдэнэтэй ярилцсан "Улаанбаатараас ярьж байна" нэвтрүүлэг өчигдрөөс цацагдаж эхэллээ. Тус нэвтрүүлгээр Ерөнхий сайд Л.Оюун-Эрдэнэ Эрдэнэтийн 49, нүүрсний хэрэг, ҮХӨ зэрэг чухал асуудлуудаас гадна С.Зоригийн хэрэг болон Ерөнхийлөгч асан Ц.Элбэгдоржийн тухай олон сонирхолтой сэдвийн хүрээнд ярилцжээ.

Ярилцлагын үеэр Төр, нийгмийн нэрт зүтгэлтэн С.Зоригийн хэргийн талаар ярилцсан бөгөөд Ерөнхий сайд Л.Оюун-Эрдэнэ "С.Зоригийн хэргийн зургаан ажлын хэсэг тарсан. Яагаад тарав, хэн хэн халагдав. Хэн томилогдов. Энэ бол Ц.Элбэгдоржийн Засгийн газрын сэдэл байсан. Гэвч мань хүн 1998 онд огцроод чадаагүй. 2009 онд Ц.Элбэгдорж Ерөнхийлөгч болсноор 1998 онд чадаагүй зүйлээ яг хийсэн" гэв.

Тэгвэл  Ерөнхийлөгч асан Ц.Элбэгдорж хариу дисс хийжээ.

Тэрбээр "Өглөөний мэнд. Рокит Бэй - Дисс. "Би чиний толгой дотор, толгой дотор амьдарчийна. Түрээсгүй... Нэрийг минь хэлэхээ болингуут л зөвхөн түүнийг ялааны настай замнал тосно." гэжээ.

Өглөөний мэнд. Рокит Бэй - Дисс.
"Би чиний толгой дотор, толгой дотор амьдарч байна. Түрээсгүй... Нэрийг минь хэлэхээ болингуут л зөвхөн түүнийг ялааны настай замнал тосно." pic.twitter.com/qP4UboY2Ny— Mongol Tsakhia ELBEGDORJ (@elbegdorj) March 29, 2024