Ж.Ганбаатар Канад руу бизнес классаар нисэх 16 сая төгрөгийг төсвөөс гаргуулжээ
Канад Улсын Торонто хотноо дэлхийн 130 орны төлөөлөгч оролцдог уул уурхайн томоохон "PDAC 2024" чуулган өнгөрсөн өдрүүдэд боллоо. Тус чуулгад УУХҮ-ийн сайд Ж.Ганбаатар болон холбогдох албаны хүмүүс оролцсон. Тэгвэл цахим орчинд УУХҮ-ийн сайд Ж.Ганбаатарыг “Өөрийн охиноо төрийн зардлаар дагуулан очиж оролцуулсан, сайдын охиноос өөр ажил хийх хүн УУХҮ-ийн яаманд байхгүй юу” гэхчлэн шүүмжлэл өрнөсөн билээ.
Тэгвэл өнөөдөр сэтгүүлчдэд мэдээлэл өгөх үеэр Ж.Ганбаатар “ УУХҮ яамнаас гурван хүн л тус чуулгад оролцсон. Тус чуулганд зассан асруудад зогсох оюутнуудыг цалинжуулж ажиллуулдаг. Манай охин Канадын Торонтогын их сургуулийг төгссөн. Төрийн мөнгөөр явсан асуудал байхгүй, төр, улсаа бодоод л ажилд маань тусалсан” гэх тайлбар өгсөн.
Тэгвэл уг мэдээллийг шалгаж үзэхэд, УУХҮЯ-аас өнгөрсөн нэгдүгээр сарын 29-ны өдөр Ж.Ганбаатарын тийзний төлбөрт нийт 16,629,200 төгрөг шилжүүлсэн байна.
Мөн Ж.Ганбаатар сайдын томилолтын мөнгө болох 5,949,989 төгрөгийг тусад нь шилжүүлжээ.
Мөн үүнээс гадна тус яамны Дэд сайд Б.Уянга нарын томилолтын тийзний төлбөрт 15,878,000 төгрөгийг шилжүүлжээ.
Тийзний үнийг баталгажуулахаар "Аэрмаркет"-аас тодруулахад "Канад руу Сөүлээр дамжин бизнес классаар нисэхэд хоёр талын тийзний үнэ нийтдээ 16-17 сая төгрөг болно" гэв.
Төрийн байгууллагууд төсвийн мөнгийг хэрхэн захиран зарцуулж байгаа талаарх мэдээллээ нийтэд ил тод нээлттэй, ойлгомжтойгоор ШИЛЭН ДАНСАНДАА мэдээлэх ёстой. Шилэн дансны хуулийн дагуу энэ мэдээллүүд бүгд тодорхой байх ёстой ч УУХҮЯ хавсралт мэдээллээ оруулаагүй байна.
![](https://www.arslan.mn/files/banner/4gckvvmc1p.gif)
![Like an post](templates/img/comment/like.png)
![Love an post](templates/img/comment/love.png)
![haha an post](templates/img/comment/haha.png)
![wow an post](templates/img/comment/wow.png)
![yay an post](templates/img/comment/yay.png)
![sad an post](templates/img/comment/sad.png)
![ouch an post](templates/img/comment/ouch.png)
![confuse an post](templates/img/comment/confused.png)
![angry an post](templates/img/comment/angry.png)