Шатахууны хомсдол өнөөдөр ч үргэлжилсээр байна. Иргэдийн хувьд хонон өнжин шатахуунд дугаарласан хэвээр байна. Гэвч Засгийн газар, УУХҮ-ийн сайд Ж.Ганбаатар нь хэвийн байгаа хэмээн сүүлийн 7 хоног мэдээллэж байна. 

Тэгвэл өнөөдөр түүнээс энэ талаар тодруулахад "Шатахууны нийлүүлэлт хэвийн. Хомсдол үүсээгүй. Иргэд өөрсдөө л очерлоод байхаар байгаа шатахууныг нь дуусгачихаад байна. Шатахуун түгээгч машинууд нь түгжрэлд хамаг цагаа алдаж байна. АИ-92 шатахууны үнэ өсвөл би өөрөө огцоръё. Иргэд өөрсдөө шатахуунд дугаарлахгүй бол нөхцөл байдал хэвийн болно гэж хэлээд байгаа. Түгжрэлд түгээгч машин нь олон удаа явж чадахгүй байгаа учраас шатахуун нь дороо дуусаад байгаа" гэсэн тайлбарыг өглөө. 

УУХҮ-ийн сайдын талаас бүх зүйл хэвийн байгаа хэмээн мэлзэж байгаа боловч бодит байдал дээр иргэд шатахуунд дугаарлаж, шатахуун өгч буй тоотой хэдэн ШТС-ууд байна.