Сибирт хүйтэрч, Галуут нуурын станцын 2 блокын засвар дуусаагүй шалтгаанаар ОХУ-аас манайд нийлүүлдэг 345 МВт цахилгаан эрчим хүчийг 150 МВт болгон тодорхой хугацаагүйгээр хязгаарлахаа мэдэгдсэн талаар бид мэдээлсэн.

Тэгвэл тус асуудлаар Засгийн газрын хуралдааны шийдвэрийг танилцуулж байна. 

Эрчим хүчний сайд Б.Чойжилсүрэн " 2023 оны 12-р сарын 12-ны 16.00 цагт ОХУ-ын Монгол Улсад эрчим хүч нийлүүлэгч тал мэдээлэл ирүүлсэн. Одоо 345 МВт хүртэл эрчим хүч нийлүүлж байсан. Гэтэл эрчим хүчний системийн доголдлоос шалтгаалан 150 МВт-аас дээш өгч чадахгүй болсноо мэдэгдсэн.

"Маргаашаас эхлээд цахилгаан эрчим хүчийг шаардлагатай тохиолдолд хязгаарлахаас өөр аргагүй болсон. Нөхцөл байдал хэзээ зүгээр болохыг хэлж мэдэхгүй. " гэв.