Засгийн газраас гаргасан шийдвэрийг ХЗДХ-ийн сайд  Б.Энхбаяр танилцуулж мэдээлэл хийсэн.  Энэ үеэр сэтгүүлчдийн асуултад хариулсан юм.  

Задлан шинжилгээг ямар зөвшөөрлөөр хийдэг талаар тодруулахад тэрбээр "  Хүний амины асуудал гэмт хэргийн шинжтэй эсэх нь мөрдөн шалгах ажиллагааны хүрээнд тусдаа хуулиар явагддаг. Мөрдөн шалгах ажиллагаанд Засгийн газар, Хууль зүйн сайд хөндлөнгөөс оролцож болохгүй. 

Хүн амины хэрэг гэмт хэргийн сэжигтэй байвал мөрдөгч шинжээч өөрөө шийдвэр гаргаж, задлан шинжилгээ хийдэг. Монгол Улсад хүн амины санаатай гэмт хэрэг ахуйн нөхцөлд, гэр бүлийн хүрээнд үйлдэгддэг учраас задлан шинжилгээ хийхэд ар гэрийн зөвшөөрөл шаардагддаггүй онцлогтой.

Шүүхийн шинжилгээний дүгнэлт гараагүй байгаа талаар мэдээлэл авсан. Шүүх шинжилгээний дүгнэлт гараагүй байхад ямар нэг урьдчилсан байр суурь илэрхийлэх боломжгүй. Хэн ч дүгнэх нь хориотой." гэв.