Улаанбаатар хотын авто замын хөдөлгөөний түгжрэлийг бууруулах, гэр хорооллыг орон сууцжуулах тухай анхдагч хууль болон дагалдах 30 хуульд нэмэлт өөрчлөлт оруулсан хуулийн төслийг өнөөдөр Засгийн газраас УИХ-д өргөн барьж буй.

Энэ хуулиас олон нийтийн эсэргүүцэлтэй тулгарч буй хэсэг  нь "Замын хөдөлгөөний төлбөртэй бүс" байгуулах заалтад өөрчлөлт орж буй нь.

Тодруулбал, баруун дөрвөн замаас Зүүн дөрвөн зам, 32-ын тойргоос Энхтайваны гүүр хүртэл замыг төлбөртэй бүс болгохоор тусгасан. Хөдөлмөрийн хөлсний доод хэмжээ 550 мянган төгрөг. Үүний 5 хувь нь 27,500 төгрөг. Тэгэхээр 27,500 байх уу, үүнээс бага байх уу гэдэг нь одоогоор шийдвэрлэгдээгүй байна.

Хэрэв хууль батлагдсаны дараа замын төлбөртэй бүсийн төлбөрийн хэмжээг тогтоох эрхийг НИТХ-д өгнө. НИТХ хуралдаж, алх цохиж тогтоосноор төлбөрийн үйлчлэл эхэлнэ гэсэн үг.

Тэгвэл энэ талаар өчигдөр Түгжрэлийн сайд Б.Дэлгэрсайхан  "Төлбөртэй бүс тогтоохыг иргэдийн 70 гаруй хувь нь дэмжсэн" гэх утга бүхий зүйлийг хэвлэлд ярьжээ.

Хамгийн их иргэдийн эсэргүүцэлтэй тулгараад буй заалтыг иргэд  дэмжсэн гэдэг нь тун ч эргэлзээтэй байна. Хэрвээ санал асуулга явуулаад асуудлыг оруулаад ирсэн бол төлбөртэй бүсийг 70 хувь нь ДЭМЖСЭН гэх “ИРГЭДИЙН САНАЛЫГ ХАРЪЯ“, Б.Дэлгэрсайхан сайд аа...