Зэвсэгт хүчний жанжин штабын  "Шилэн данс"  ажиллахгүй байгаа бөгөөд 2023 он гараад хөтлөөгүй байна.

Тодруулбал, хулийн дагуу  яам, харьяа газрууд орлого, зарлагын мэдээллээ заасан хугацаанд үнэн зөв, ил тод мэдээлэх ёстой.  Гэвч 2022 оны 11 дүгээр сард ЗХЖШ-ын даргаар томилогдсон С.Ганбямба генерал  2023 он гараад шилэн данс дээр  орлого, зарлагын мэдээлэл огт оруулаагүй байна.

Харин Зэвсэгт хүчний хөгжлийн сангийн шилэн дансыг шалгаж үзэхэд, энхийг сахиулагчдын цалингаас татвар авч бүрддэг тус сангаас  ЗХЖШ-ын дарга, Бригадын генерал С.Ганбямба өөрийнхөө нислэгийн тийзний үнэ болох 27,900,000  төгрөгийг гаргуулжээ.

Уг сангийн зориулалт нь цэргийн хөгжилд зарцуулагдах ёстой байтал ийнхүү С.Ганбямба генерал өөрийнхөө "айлчлал" нэртэй тийзний төлбөрийг гаргуулж сууна.

Товхондоо, ШИЛЭН ДАНСАА хөтөлдөггүй, сангийн мөнгийг зориулалт бусаар зарцуулаад суугаа С.Ганбямба генерал Төрийн хэмнэлтийн тухай хуульд зааснаар  ажлаас халагдах болзлоо аль хэдийнээ  хангажээ.

Зэвсэгт хүчний жанжин штаб 2023 он гараад зарлагаа мэдээлээгүй байна.