Ерөнхий сайд Л.Оюун-Эрдэнэ БНХАУ-т албан ёсны айлчлал хийж байгаа билээ. 

Айлчлалын хоёр дахь өдөр Ерөнхий сайд БНХАУ-ын дарга Ши Жиньпинд бараалхаж, албан уулзалт хийнэ. Уулзалтаар Монгол, Хятадын Иж бүрэн стратегийн түншлэлийн харилцаа, харилцан ашигтай хамтын ажиллагааг өргөжүүлэн хөгжүүлэх асуудлуудаар санал солилцоно. 

Уулзалтад ЭЗХ-ийн сайд Ч.Хүрэлбаатар, УИХ-ын гишүүн Б.Энх-Амгалан, Сангийн сайд Б.Жавхлан, ХЗДХ-ийн сайд Х.Нямбаатар, ЗТХ-ийн сайд болон бусад албаныхан оролцоно. 

Урт удаан хугацаанд өндөр хүлээлт үүсгэсэн энэхүү айлчлаар Монгол Улсын эдийн засгийн хөгжилтэй холбоотой томоохон асуудлууд шийдэгдэх юм.

Ерөнхий сайд Л.Оюун-Эрдэнэ өнөөдөр мөн БНХАУ-ын Бүх Хятадын Ардын төлөөлөгчдийн их хурлын байнгын хорооны дарга Жаө Лөжид бараахлхах юм. 

БНХАУ-ын хувьд Монгол Улсын Ерөнхий сайдыг өндөр хэмжээнд хүлээн авч, харилцан хамтран ажиллах бүх талаараа дэмжинэ гэдгээ илэрхийлээд буй.