Монгол Улсын Ерөнхий сайд Л.Оюун-Эрдэнэ МҮОНРТ-ын “Онцлох зочин” нэвтрүүлэгт оролцлоо. Тэрбээр Ерөнхий сайдаар ажилласнаас хойш анх удаа бүрэн хэмжээний ярицлагаа өгсөн нь энэ юм. 

Тэгвэл өчигдөр  Ерөнхий сайд Л.Оюун-Эрдэнэ энэ үеэрээ "Нүүрсний хулгайн эсрэг жагсаалыг “АЖНАЙ” Д.Бат-Эрдэнэ санхүүжүүлэхэд онцгой үүрэг гүйцэтгэсэн" хэмээлээ.

Тэрбээр нүүрсний хулгайн дөрвөн багц асуудлаар хэрэг үүсэж, 70 орчим хүнийг шалгаж байна.

ЕТТ компанийн захирал асан Б.Ганхуяг тэргүүтэй хүмүүс иргэдийн органик жагсаалыг санаатайгаар турхирсан. Баримттай. Мөн койнтой холбоотой хүмүүс ээс гадна УИХ-ын гишүүн, "ажнай" Д.Бат-Эрдэнэ ч жагсаалыг санхүүжүүлэхэд онцгой үүрэгтэй ажилласан. Нүүрс, зэсийн бүлэглэл хамдаа суугаад "Тоглоомын дүрэм өөрчлөгдөхгүй, тоглогчид өөрчлөгдөх юм чинь хүлээе" гэж ярьдаг байгаа юм. Тэд юу гэж боддог вэ гэхээр нүүрс, зэс хоёр байхад улс төрийг бид удирдана, Засгийн газрыг огцруулж чадна. Ерөнхий сайдыг утсан хүүхэлдэй болгох амархан гэдэг. Өнөөдөр бид тоглоомын дүрмийг өөрчлөх ёстой гэв.