Л.Оюун-Эрдэнийн Засгийн газар улсынхаа эдийн засгийг босгох гэж  бүхий л шийдвэрээ гарган ажиллаж байгаа. Гэтэл Ерөнхий сайдынхаа бодлого шийдвэрийг далдхан эсэргүүцэж, унагадаг, удаашруулдаг засгийн гишүүд бас байсаар.

Түүний нэг нь Эдийн засаг хөгжлийн сайд, шадар сайд Ч.Хүрэлбаатар юм. Түүнд давхар дээл, эрх ямба, давхар давхар албан цол хэргэм гээд бүгдийг өгсөн. Гэтэл тэрбээр улсынхаа үйлдвэржилтийн сэргэн мандалтын эсрэг ажиллаж, үндэсний үйлдвэрлэгчидээ дам хохироосон үйлдлийг хийгээд байгаа аж. 

Тодруулбал, Дэлхийн ноолуурын хэрэгцээний тал хувийг Монгол Улс хангадаг атлаа ноолуураа угаагаад боловсруулалгүй, БНХАУ руу гаргасаар ирсэн. Энэ жилээс угааж самнасан буюу нэмүү өртөг шингээсэн ноолуур экспортлох шийдвэрийг Засгийн газраас гаргасан. Ингэснээр дотооддоо өртөг бий болж гадаад зах зээлээ өргөжүүлж ноолуур, ноолууран бүтээгдэхүүний олон ашиг нэмэгдэх аж. Уг шийдвэр гарснаас хойш ноолуур самнах 40 үйлдвэр байгуулагдаж, бэлтгэл ажлаа хангаад байгаа талаар УИХ-ын гишүүн Ж.Бат-Эрдэнэ цахим хуудаснаа нийтэлсэн байна. 

Гэтэл арай гэж Засгаас нэг голдрилоо олоод гаргасан шийдвэрийг ЭЗХЯ нь зогсоосон гэв. 

2018 онд "Ноолуур" хөтөлбөр баталж үйлдвэрлэгчдээ дэмжсэнээр өрсөлдөөн бий болж ноолуурийн үнэ анх 100 мянгад хүрсэн. Энэ удаа экспортоо дэмжиж өртөг шингэсэн үйлдвэрлэлээ өргөжүүлснээр гаднаас валют орж ирэх хаалга нээгдэж улмаар малчдын ноолуурын үнэ улам тогтворжиж баталгаажих байв. 

Тэгвэл өнөөдөр улсынхаа хөгжлийг Эдийн засаг, хөгжлийн яам нь, сайд нь гацаана гэж ХЭН САНАХ БИЛЭЭ!! Өнөөдрийн Засгийн газрын хуралдаанаар зөвхөн самнахаас дээш шатаар боловсруулсан ноолуур экспортлох шийдвэрээ 2024 оны намар хүртэл (сонгууль дуустал) хойшлуулсан байна.

Үүний үр дүнд Монгол Улс үйлдвэржилтийнхээ хаалгыг хааж ТҮҮХИЙ ЭД БЭЛТГЭН НИЙЛҮҮЛЭГЧ улс байсаар байх нь!!