Энэ нэгдүгээр сарын 26-ны өдөр /2023.01.26/ Чех улсын Ческа Липа хотод 30 гаруй насны монгол эмэгтэй гэрээсээ салхилах гэж гараад ор сураггүй алга болсон хэрэг гарч, эрэл хайгуулыг эхлүүлээд байсан билээ. 

Харамсалтай нь тухайн эмэгтэй нас барсан байдалтай олдсон байна.

Энэ талаар Гадаад Харилцааны Яам(ГХЯ)-наас тодруулахад  "Мөрдөн шалгах ажиллагаа үргэлжилж байгаа. Хувь хүний нууцтай холбоотой асуудал учир дэлгэрэнгүй мэдээлэл өгөх боломжгүй. ГХЯ-ны Консулын газар болон Монгол Улсаас Чех Улсад суугаа Элчин сайдын яамнаас талийгаачийн гэр бүлийнхэнтэй нь байнгын холбоотой ажиллаж байна" гэв.