Засгийн газрын ээлжит хуралдааны шийдвэрээр “Эрдэнэс Монгол” ХХК-ийн гүйцэтгэх захирлаар Эдийн засаг, хөгжлийн дэд сайд С.Наранцогтыг томилжээ.

Ийнхүү түүнийг Эдийн засаг, хөгжлийн дэд сайдын ажлаас чөлөөлөх юм байна. Тус компанийн гүйцэтгэх захирлын үүрэг гүйцэтгэгчээр О.Хулан ажиллаж байсан аж. 

С.Наранцогт МУИС, Сөүлийн их сургуулийг тус тус төгссөн, физикч, математикч, доктор (PhD) юм. Сангийн яам, БСШУЯ, Хөдөлмөрийн яаманд газрын дарга, Эдийн засаг, хөгжлийн дэд сайдын албыг хашсан. Төрийн банкны ТУЗ-ийн гишүүн бөгөөд ТУЗ-ийн дэргэдэх Хүний нөөц, урамшууллын асуудал эрхэлсэн хорооны даргаар ажиллаж байв.

БОЛОВСРОЛ

• 1988 онд Мандалговь хотын 1- р сургууль
• 1990 онд МУИС-н гүнзгийрүүлсэн сургалттай тусгай лицей сургуул
• 1994 онд МУИС-н физик математикийн сургууль,Бакалавр
• 2001 онд МУИС-н магистр докторын сургууль, Магистр
• 2008 онд Сөүлийн Үндэсний Их сургууль, Доктор PhD / Инженерийн Эдийн засаг
• 2013, 2014 онуудад Харвардын Их Сургуульд Төрийн Санхүүгийн удирдлагаар мэргэжилдээшлүүлсэн.