Засгийн газрын өнөөдрийн /2022.08.31/ ээлжит хуралдаанаар зарим томилгоог хийлээ.

Тэдний нэг болох "Эрдэнэт үйлдвэр" ТӨҮГ-ийн Гүйцэтгэх захирал Х.Бадамсүрэнг үүрэгт ажлаас нь чөлөөлж,  УУХҮЯ-ны Төрийн нарийн бичгийн даргаар томилох тохироо гараад байсан.  Тэгвэл уг тохироо өнөөдрийн ЗГ-ын хуралдаанаар орсон ч  дэмжигдээгүй байна.

Энэ талаар ЗГХЭГ-ын дарга Д.Амарбаясгалан "Х.Бадамсүрэн дарга цаашид Зэсийн группийг ахална. Энэ групп "Эрдэнэс Монгол"-ын дэргэд байгуулагдана. Одоогоор цаасан дээр байна. Х.Бадамсүрэн захирал олон жилийн туршлагатай хүн тул төр энэ хүний чадварыг ашиглах ёстой." гэв.