Ерөнхий сайд Л.Оюун-Эрдэнэ Засгийн газрынхаа бүрэлдэхүүнд өөрчлөлт хийж, зарим "дан дээлтэй" сайдаа чөлөөлж, УИХ-ын гишүүн 10 сайдыг шинээр томилсон. Тэгвэл тэрээр огцорсон сайд нартаа яамныхаа дэд сайдаар ажиллаж, эхэлсэн ажлаа үргэлжлүүлэх саналыг тавьсан талаар мэдээлэл байна.

Тухайлбал,

• Зам тээврийн хөгжлийн сайд асан Л.Халтарыг тус яамны дэд сайдаар,
• Цахим хөгжил, харилцаа холбооны дэд сайдаар Б.Болор-Эрдэнэ,
• Эрчим хүчний сайд асан Н.Тавинбэхийг тус яамны дэд сайдаар,
• Уул уурхай хүнд үйлдвэрийн сайд асан Г.Ёндонг тус яамны дэд сайдаар ажиллах саналыг тус тус тавьжээ.

Хэрэв Ерөнхий сайд Л.Оюун-Эрдэнийн саналыг дээрх тэд зөвшөөрвөл өнөөдөр Засгийн газрын ээлжит хуралдаанаар томилгоо хийх ажээ.