Мах, махан бүтээгдэхүүний үйлдэврлэл, нийлүүлэлттэй холбоотой асуудлаар Шадар сайд С.Амарсайхан мэдээлэл өгч байна.

"Мах боловсруулж, экспортолдог 31 компанийн 16-гийнх нь үйл ажиллагааг зогсоож байна"

Тэрбээр "Нэгдгээрт, ах, махан бүтээгдэхүүнийг төхөөрөхөөс эхлээд хэрэглэгчийн гарт хүртэл стандарт, эрүүл ахуйн шаардлага хангасан үйлдвэрлэлийн аргаар боловсруулсан байх зохицуулалтад орно. Хоёрдугаарт, дулааны аргаар мах боловсруулах, үйлдвэрлэх, экспортлохоор үйл ажиллагаа явуулж буй аж ахуйн нэгжүүдийн эрүүл ахуйн шаардлагатай холбоотой асуудал гарч буй.

Иймээс энэ чиглэлээр үйл ажиллагаа явуулж буй 31 ААН-ийн 16-гийнх нь тусгай зөвшөөрлийг цуцалж, хяналт шалгалтын үйл ажиллагааг цаашид үргэлжилнэ.

Мөн дулааны аргаар мах боловсруулах, үйлдвэрлэх, нийлүүлэх экспортын үйл ажиллагаа 2023 оны нэгдүгээр сарын 1-ний өдөр хүртэл зогсоож байна.

Цаашид малыг төхөөрөхөөс эхлээд мах, махан бүтээгдэхүүн хэрэглэгчийн гарт хүртэл бүх үйл ажиллагааг стандартын шинэчилсэн зохицуулахаар өнөөдрийн хуралдаанаар баталлаа. Ингээд шинэ стандартыг мөрдүүлэх ажил шуурхай эхэлнэ. 

Нийслэлийн нутаг дэвсгэрт үйл ажиллагаа явуулж буй дулаан аргаар мах боловсруулах үйлдвэрүүдийг цаашид Улаанбаатар хотоос нэгдсэн зохион байгуулалттайгаар нүүлгэн шилжүүлнэ.

Түүнчлэн махны асуудалтай холбогдуулан хяналт, шалгалт хийгээгүй ажлын хариуцлага алдсан СХД-ийн мэргэжлийн хяналтын газрын бүрэн бүрэлдэхүүнийг өөрчилж, МХЕГ-ын зарим албан тушаалтнуудыг үүрэгт ажлаас нь чөлөөлж, хариуцлага тооцно." гэв.