Засгийн газар ээлжит бусаар хуралдаж, гаргасан шийдвэрээ танилцуулсан. 

Энэ үеэр Ерөнхий сайд Л.Оюун-Эрдэнэ "Залуучуудын холбооны байр, газрын ашиглалттай холбоотой асуудлыг хууль хяналтын байгууллагаар шалгуулах холбогдох арга хэмжээг авах болно. Төрийн өмчит газруудыг олон нийтийн эзэмшилд шилжүүлж олны хяналтад оруулах байдлаар ил тод болгох ажлыг ирэх долоо хоногоос УИХ-д өргөн мэдүүлэхээр боллоо.

Залуучуудын холбооны байр ашиглалтын асуудал төрийн байгууллага учраас Засгийн газар шууд оролцох боломжгүй. Гэхдээ энэ асуудлыг өмнө нь ч хөндөж байсан. Монголын залуучуудын холбоо гэдэг байгууллагыг удирдаж байгаа үе үеийн хүмүүс олон нийтийн өмчийг шамшигдуулсан байна уу гэдгийг тогтоолгоно" гэв.