УИХ дахь МАН-ын бүлгийн хуралдаанаар Засгийн газраас боловруулсан "Мах, гурил, шатахууны үнийг тогтворжуулах тухай" хуулийн төслийг дэмжжээ. 

Энэ талаар Сангийн сайд Б.Жавхлан "Үүссэн нөхцөл байдалтай уялдуулж, өргөн хэрэглээний бараа бүтээгдэхүүн, ялангуяа мах, гурил, шатахууны үнийг тогтвортой байлгахад Засгийн газраас үнэ тогтворжуулах хууль өргөн барих саналыг УИХ дахь МАН-ын бүлэг дэмжлээ. Махны үнийг тогтворжуулахад долдугаар сар хүртэл нөөцийн махыг хүртээмжтэй байлгаж, одоо байгаа үнэд нь барина. Гурилын үнийг тогтвортой барихад тариалалтын шат бүрийг хариуцлагажуулна. Хувийн хэвшлүүдээ дэмжиж байж энэ хэцүү цаг үеийн давна гэж бодож байна.

Доор дурдсан гол гурван бараанд төвлөрнө. Өөрөөр хэлбэл, шатахуун, мах, гурилын үнэ, нийлүүлэлтэд онцгой анхаарна гэсэн үг. Ямар ч байсан шатахуунтай байхад бизнес зогсохгүй.  Монгол хүн мах, гурилтай байхад ямар ч байсан болно. " гэв.