Өнгөрөгч 7 хоногийн сүүлчээр ХХААХҮ-ийн сайд З.Мэндсайхан Азийн хөгжлийн банкнаас зээл авч малын хашаа барих гэх мэдээлэл цацагдаж элдвээр хэлэгсэд олон байв. Гэхдээ үнэндээ З.Мэндсайхан  сайд хөнгөлөлттэй  зээлийн тухай ярьсан нь  үнэнч малын хашаа саравч барьж өгнө гэж хэлээгүй. Угаасаа ч тэрбээр тийм тэнэг юм хийгээд явж байх хүн биш.

Тэрбээр энэ талаар  "Эх хувь дээр ийм зүйл  байгаагүй. Гэтэл яагаад ийм юм оруулж ирж байгаа юм бол. Азийн хөгжлийн банкнаас их хэмжээний зээл аваад, малчдадаа хашаа барьж, худаг ухаж өгөөд байж байдаг тэнэглэл хаана ч байхгүй. Энэ бол ор үндэслэлгүй, худал, буруу ойлгосон мэдээлэл байна." гэдгээ ч нуулгүй хэлчихнэ билээ.

Сайд З.Мэндсайхан ингэж  дор нь үнийг хэлээгүй бол ёстой л газар доогуур ортлоо муу хэлэгдэх биз ээ.

Угтаа бол Монголын ХАА-н салбарыг эдийн засгийн эргэлтэд оруулсан зэрэг их зүйл хийж байгаад малчид ам сайтай байдаг юм билээ. 

Гэхдээ түүний хэлснээр 30 сая ам.долларын төсөл хөтөлбөр хэрэгжинэ. Азийн хөгжлийн банк, манай  улсын ХАА-н салбар 2 хамтран судалж Уур амьсгалын өөрчлөлтөд тэсвэртэй, тогтвортой мал аж ахуй төслийг 2018 оноос хэрэгжүүлэхээр болж төсөл хөтөлбөрийг Баянхонгор, Өвөрхангай, Булган, Архангай аймгийн хил залгаа 20 сумдад хэрэгжүүлэхээр төлөвлөсөн юм байна.

Уг төслийн хүрээнд мал эмнэлгийн 54 аж ахуйн нэгжийг чадавхжуулах, 11 мянган малчдыг хоршоолж, малын гаралтай бүтээгдэхүүнийг эдийн засгийн хувьд эргэлтийг нэмэгдүүлэх, бэлчээр бий болгох юм.

Ер нь хийсэн нь шүүмжлүүлдэг хорвоо доо гэх ч мал мэдэхгүй  зарим гишүүд  амныхаа зоргоор попорч байгааг ард түмэн бас ч гадарлахтайгаа байна ш дээ.