Коронавирусийн халдварын тархалт, бараа бүтээгдэхүүний үнийн нэмэгдэл болон бусад нөхцөл байдлын хүндрэлтэй зэрэгцэж шатахуун, шахмал түлшний дараалсан хомстол иргэдийн бухимдлыг дээд цэгт нь хүргэж Засгийн газрыг хэр хариуцлагатай, бэлтгэлтэй ажиллаж буйг шалгаад буй.

Эх сурвалжийн мэдээлж буйгаар Аравдугаар сарын 01-нд Үндэсний аюулгүй байдлын зөвлөл хуралдсан бөгөөд  хуралдаанаар Ерөнхийлөгч У.Хүрэлсүх Ерөнхий сайд Л.Оюун-Эрдэнийг ажлаа олигтой хий гэж загнаснаас гадна хариуцлагагүй ажилласан сайд нартаа хариуцлага тооц гэжээ.

Тодруулбал, ирэх даваа гарагт болох бүлгийн хурлаас эхэлж сайд нарт хариуцлага тооцох асуудлыг ярихаар болжээ. 

Харин хариуцлага тооцох сайд нарын эхэнд Зам, тээврийн хөгжлийн сайд Л.Халтар, Уул уурхай, хүнд үйлдвэрийн сайд Г.Ёндон нар өрсөлдөгчгүйгээр багтсан хэмээн эх сурвалжууд онцлов. Мөн нөхөөсөнд хариуцлагын сэлэмд өртөх хүнээр саяхан түлшний асуудал үүсгэсэн  щ Эрчим хүчний сайд Н.Тавинбэх нэрлэгджээ.

Товчоор бол Л.Халтар, Г.Ёндон, Н.Тавинбэх тэргүүтэй нийтдээ дөрвөн сайдад хариуцлага тооцож, танхимаас гаргахаар эхний байдлаар тохирчээ.