Авлигатай тэмцэх газраас төрийн өндөр албан тушаалтнуудын тэр дундаа Засгийн газрын сайд нарын хөрөнгө, орлогыг нийтэд ил болголоо.

Ерөнхий сайд Л.Оюун-Эрдэнэ 2016 онд УИХ-ын гишүүн болсноос хойш хөрөнгө орлогын мэдүүлгээ бөглөж эхэлсэн.

2016 онд түүний өөрийн орлого жилд 313 сая төгрөг байсан бол 2017-2018 онд буурч, 2019 онд 233 сая төгрөг болж өсжээ.

Харин түүний гэр бүлийн жилийн орлого 9 саяас 14 сая төгрөг болсон байна.      

Ерөнхий сайд Л.Оюун-Эрдэнэ

• 244 сая төгрөгийн нэг байр,
• 28 сая төгрөгийн машин, хурдан удмын таван адуутай. Тэрээр мал аж ахуйгаа 114 сая төгрөгөөр үнэлжээ.

Мөн 60 сая төгрөгийн үнэт эдлэл, 97 сая төгрөгийн хадгаламжтай.

Түүний хувьд хоёр компани эзэмшдэг нь

• “Херо энтертэйнмэнт” групп (50 хувийг эзэмшдэг),
• “Хүлэг контент” (100 хувь) юм.