Коронавирусний улмаас эмнэлэгт хэвтэн эмчлүүлж буй хүний тоо ирэх сарын эхний 7 хоногт 40 мянгад хүрэх тооцоог УОК-ын дэргэдэх Эрдэмтдийн зөвлөл гаргажээ.

Нийгмийн бодлогын байнгын хорооны хуралдаанаар УОК-ын дэргэдэх Эрдэмтдийн зөвлөлийн гишүүн, МУИС-ийн судлаач, доктор Т.Бэгзсүрэн мэдээлэл хийж байна.

Ирэх сард эмнэлэгт хэвтэн эмчлүүлэх хүний тоо 40 мянга хүрэх магадлалтай

Тэрбээр "Эмнэлгийни ачаалал долдугаар сарын эхний долоо хоногт өсөх хандлагатай байна. Учир нь өдөрт шинээр батлагдаж байгаа хүний тооноос өдөрт эмнэлгээс гарч байгаа хүний тоо бага байгаа учраас эмнэлгийн ачаалал нэмэгдэнэ. Өнөөдрийн байдлаар 34 мянган хүн эмнэлэгт хэвтэж байна. Энэ тоо долдугаар сарын эхээр 40 мянга хүрэх магадлалтай. Нас баралт мөн адил оргил үе нь долдугаар сарын эхэнд оргил үедээ хүрэх магадлалтай. Нас баралт одоогийн байдлаар дундаж нь өдөрт 10-11 байгаа бол долдугаар сарын эхээр 15-д хүрч магадгүй.

Бид тодорхой тооцооллыг хийж үзсэн. Зургадугаар сарын 25-ны өдрөөс 10 эсвэл 16 хоног хөл хорио тогтоовол яах вэ гэдгийг тооцоолсон.  Хэрэв 16 хоног хөл хорио тогтоовол өдөрт илрэх нийт тохиолдын тоог бууруулах боломжтой гэж үзсэн. Вакцины үр нөлөө дөрвөн хүний гуравт нь гарч байна" гэлээ.

Мөн тус зөвлөлийн вакцины үр дүнгийн талаар судалгаа хийсэн бөгөөд 4 хүн тутмын 3-т нь дархлаа тогтсон гэсэн дүгнэлт гарсан байна.