Энэ жилийн Их Монгол Улс байгуулагдсаны 815, Ардын хувьсгалын 100 жилийн ойн баяр наадмыг соёл урлагийн ажлыг Соёлын сайд Ч.Номин хариуцахаар болжээ. Ойн хүрээнд 34 ажил, арга хэмжээг 10 тэрбум төгрөгөөр хийхээр төсөвлөжээ. Ч.Номингийн хувьд 10 тэрбум төгрөгийг гарын салаагаар урсгаж байгаа талаар олон нийт баримттай шүүмжилжээ. Тухайлбал Ардын хувьсгалын 100 жилийн ойн медальд нэг тэрбум төгрөгийг төсөвлөсөнд олон нийт шүүмжлэлтэй байна. 

Цар тахлын үед эдийн засаг сайнгүй хаа хаанаа чармайж байгаа энэ цаг үед зөвхөн одон медаль, тэмдэгт нэг тэрбум төгрөг зарцуулна гэдэг үнэхээр цамаан цацаж байгаатай адил. Түүнчлэн Ардын хувьсгалын 100 жилийн тухай дуу бүтээхэд 100 сая төгрөг төсөвлөжээ. Хөшөө дурсгал сэргээхэд 250 сая гэх мэтчилэн төсвийн буюу татвар төлөгчдийн мөнгөөр хэрхэн туйлж буй илэрхийлэх олон баримт буй. 

Соёлын сайд Ч.Номингийн хувьд сайд болсноосоо хойш дорвитой ажил огт хийгээгүй, найз нөхдийнхөө хүрээнд уулзалтууд хийж, 100 чухал сэдвийг Херогоор хийлгэснээс өөр нэрлэх зүйлгүй байгаа билээ. Засгийн 100 хоногоор Ч.Номин сайд рейтингээрээ доороосоо хоёрт жагссан судалгаа гарсан талаар зарим эх сурвалжууд ярьдаг. Энэ мэт мөнгө угаадаг чадваргүй сайд нарынхаа ажлыг хянана байгаа Ерөнхий сайд аа.