Засгийн газраас хатуу хөл хориог үргэлжлүүлэн тавдугаар сарын 8-ны 06.00 цаг хүртэл сунгах шийдвэр өнөөдөр гаргасан.  Хатуу хөл хорио тогтоосонтой холбоотойгоор УОК-оос мэдээлэл хийсэн.

Энэ үеэр Шадар сайд С.Амарсайхан иргэд, аж ахуйн нэгжүүдэд нийгмийн даатгалын шимтгэлийн хөнгөлөлт, чөлөөлөлт үзүүлэх эсэх талаарх сэтгүүлчийн асуултад хариулав.

Тэрээр "Нийгмийн даатгалын шимтгэлийн буцаан олголт, хувь хэмжээтэй холбоотой санал иргэд, аж ахуйн нэгжээс нэлээд их ирж байгаа. Энэ хүрээнд Засгийн газрын хуралдаанаар хэлэлцэж, асуудлыг УИХ-аар хэлэлцүүлж шийдвэрлүүлэх чиглэлийг ХНХ-ын сайдад өгсөн. Өөрөөр хэлбэл, Аж ахуйн нэгж, иргэдээс тавьж буй асуудал, саналыг шийдвэрлүүлэх чиглэл өгсөн гэж болно" гэлээ.