"Эрдэнэс Тавантолгой" компанийг хувийн компанид шилжүүлсэн гэсэн мэдээлэл гарсан. Үүнтэй холбогдуулан ЗГХЭГ-ын дарга Л.Оюун-Эрдэнэ мэдээлэл өглөө.

Тэрбээр "Коронавирус төвөгтэй байхад улс төрийн вирусүүд ажил хийлгэхгүй төвөгтэй байна шүү. Сонгууль дөхөж байх шиг байна. Хүмүүс мэдэн будилдаг боллоо. Өөрсдийнхөө мэддэг зүйлээ мэдэхгүй гэж ярьдаг, зориуд мушгин гуйвуулдаг болж байна. Би ҮАБЗ-ийн нарийн бичгийн даргад төрийн болон албаны нууцыг ил болгох талаар албан бичиг хүргүүлж байна. Тавантолгойн дэд бүтэцтэй холбоотой төмөр замыг барих зөвлөмж гарсан. ҮАБЗ-тэй хамгийн ойр ажилладаг хүн бол ЕТГ-ын дарга. ЕТГ-ын дарга байснаас нь хойш З.Энхболд хоёр жил өнгөрсөн. Энэ хугацаанд буруу зүйл байсан бол засахгүй яасан бэ. Томоохон бүтээн байгуулалтын ажил явж байгаа. Үүнийг дагаад дэд бүтэц зогсох эрсдэл зогсох магадлалтай.  У.Хүрэлсүхийн Засгийн газар хууль бус зүйл хийхгүй. Засгийн газрын хуралдаанаар оруулахгүйгээр "Тавантолгой"-г урд хөршид зарах асуудлыг хийхгүй.

Монголчууд бид төрийн албанд ажиллаж байсан экс дарга нарынхаа учрыг олохгүй бол болохгүй нь. Ерөнхийлөгчийн Тамгын газрын дарга байхдаа нэг асуудлыг өөрөөр ярьдаг, гараад АН-ын даргын ахлах зөвлөх болохоороо төрийн нууцтай холбоотой асуудлуудыг гаргаж тавиад, мэдэхгүй юм шиг улс төр хийдэг байж болохгүй. УИХ-ын дарга байхдаа “Эрдэнэт”-ийн 49 хувийн хувьчлалыг мэдээгүй гэдэг нь худлаа. УИХ-ын дарга хүн тийм том хэмжээний асуудлыг мэдэхгүй байх боломжгүй. Одоо болохоор Ч.Сайханбилэг хийсэн гээд яриад байгаа. Ийм байдлаар цаашид төрийн алба явж болохгүй.

Үнэхээр шударга ёс, стратегийн оруудыг хууль бусаар олгохтой холбоотой асуудалд эцэслэн цэг тавья гэж АН бодож байгаа бол зугтаагаад гараад явчихсан Ц.Элбэгдоржоо олж ир, АН-аас томилогдож байсан Ч.Сайханбилэгээ олж ир. Гадагшаа хил даваад зугтчихдаг байж болохгүй.

Ц.Элбэгдоржийн ойр дотны найзууд  “Нэгдмэл найзууд” холбоо гэдэг компани байгуулсан. Түүн дотор Монголын хууль хяналтын удирдлага, зарим улс төрчид холбогдож, оффшор бүсээс мөнгө угаасныг нь нотолсон. Ц.Элбэгдорж Монголд ирж чадахгүй байгаа нь үүнтэй холбоотой байж магадгүй.

Одоо ирээд хуулийнхаа өмнө шалгуулах хэрэгтэй. Монгол Улсын төрийн нууцыг тээгээд явж байгаа Монгол Улсын Ерөнхийлөгч, Ерөнхий сайд байсан хүмүүс нь гаднын нутагт байгаад байж болохгүй. Ямар удаан хугацаанд хуралд явдаг юм бэ. Зургаан сар боллоо.

Эрүүдэн шүүхтэй холбоотой асуудал шүүх дээр замхарч байгаа. Үүнийг бид шахаж ажиллаж байна. Эрүүдэн шүүх үйл ажиллагааг зохион байгуулсан Б.Хурц Баянзүрх дүүрэгт ардчилсан намаас нэр дэвшинэ. 100 сая төгрөгөө өгсөн байна лээ."гэв.

ШУУД ҮЗЭХ: