ҮАБЗ-ийн дагуу дөрвөн төрлийн тэтгэврийн зээлийг тэглэх шийдвэрийг УИХ гаргасан билээ. Энэ талаар Сангийн сайд Ч.Хүрэлбаатараас тодруулахад “Бид ОУВС-д байр сууриа илэрхийлсэн. ОУВС-гийнхан гэрээнд заагаагүй зүйл хэрэгжүүлснийг хэлсэн. Энэ бол төсөвт ямар ч хамааралгүй. Сангийн яам ямар ч оролцоогүй.

“Саарал жагсаалт”-тай холбоотой сар тутамд тайлан тавих ёстой. Энэ сард тайлангаа хүргүүлчихээд Бээжин хотод очиж, хийсэн ажлаа тайлагнасан. Нийт зургаан зөвлөмж өгснөөс гурвыг нь хамгаалсан. Гурван асуудалд нэмж ажиллах шаардлагатай гэсэн. Үүнд:

1. Мөнгө угаахтай холбоотой гэмт хэргийг шийдэх. - Энэ төрлийн хэргүүд шийдэгдэхгүй удах, эсвэл хэргийн зүйл анги нь өөрчлөгдөн хариуцлагаас мултрах зэрэг асуудлаар ахиц гаргах шаардлагатай хэмээн үзжээ. 
2. Хяналт шалгалт. -Үл хөдлөх хөрөнгө, үнэт чулуу, үнэт металлаар дамжуулан мөнгө угаах эрсдэл өндөр байгаа тул хяналт, шалгалтаа сайжруулах талаар дахиж ажиллах ёстой гэжээ.
3. Үйл олноор хөнөөх зэвсэгтэй холбоотой санхүүжилт. -Энэ чиглэлээр мөн тодорхой ажлууд хийх шаардлагатай хэмээн зөвлөсөн байна. " гэв.