Сонгууль дагасан далд эдийн засгийн хэлбэр олширч эхэллээ. Энэ нь юу гэсэн үг болохыг бид бараг зөнгөөрөө мэдэрдэг, ойлгодог болжээ. Хэрхэн, ямар арга замаар сонгогчдынхоо өмнө бурхан мэт шүтэгдэж буянтан мэт аашлахаа тэд мэддэг болсны жишээ олон байна. Халамж нэгэнтээ сонгуулийн сонгодог технологи болчихсон юм бол үүнийг арилгах ямар ч аргагүй нь даанч үнэн. 

Халамжийн хамгийн трэнд болсон 10 кг будаа, гурил, ахмадуудад зориулдаг 20, 50, 100 мянган төгрөгийн хадгаламж нээх арга, багш, оюутнуудын дунд өндөр төсөвтэй тэтгэлэг зарлах, тойргийнхныхоо тоглох хүсэл дээр тоглосон элдэв тэмцээн уралдаан зохион байгуулах, жалга довоор нь шилдэг болгож зарлах, битон сав тараах өөрийн хөрөг зураг бүхий элдэв хоолны сав, данх тараах нь үргэлжилж байна.

Үүний нэг нь УИХ-ын гишүүн, БХБ-ын сайд Х.Баделхан өөрийн сонгогдсон Баян-Өлгий аймагт  “БХБ-ын сайд Х.Баделхан " гэсэн бичигтэй сэтгүүл, нэг аяга, 500 грамм савлагаа бүхий  чихэрийг  шинэ жилийн баярын бэлэг болгон тараажээ.

Харин гишүүний энэ үйлдлийг тойргийн сонгогчид нь “Биднийг сонгууль ойртохоор чихэрээр аргадаж явна, манай гишүүн” гэхчлэн ёжилж хүлээн авчээ.