Хүнс, хөдөө аж ахуй, хөнгөн үйлдвэрийн сайд Ч.Улаан, УИХ-ын гишүүн, Монголын үндэсний тариаланчдын холбооны тэргүүн Ж.Энхбаяр, Ерөнхий сайдын ахлах зөвлөх Б.Энх-Амгалан тэргүүтэй албаны хүмүүс өнөөдөр “Энсада” компаний “Өсөг” гурилын үйлдвэрийн нээлтэд оролцжээ. “Энсада” гурилын үйлдвэр нь Турк улсын "Alapala" үйлдвэрийн орчин үеийн технологи бүхий тоног төхөөрөмжөөр хоногт 120 тонн, жилд 40,000 тонн улаан буудай тээрэмдэх хүчин чадалтай, улаан буудайн бүх төрлийн гурил үйлдвэрлэх юм байна. Мөн шинээр 80 ажлын байр бий болгожээ.