"Оюу толгой" компанийн ТУЗ-ийн гишүүн Д.Энхжаргалыг чөлөөлөх чиглэлийг өнөөдөр Засгийн газраас хүргүүлсэн байна.

Д.Энхжаргал нь ОТ-д Монголын Засгийн газрын 34 хувийг төлөөлөх нэг гишүүн юм. Тэрбээр 2018 оны аравдугаар сард ОТ-н ТУЗ-ийн гишүүнээр томилогдсон. Өөрөөр хэлбэл, томилогдоод хагас жил болоогүй ч ийнхүү чөлөөлөгдөж магадгүй байна.

Чухам ямар шалтгаанаар түүнийг энэ хариуцлагатай албанаас чөлөөлөх чиглэл өгсөн, мөн оронд нь хэнийг томилох асуудал одоогоор тодорхойгүй байна.