НИТХ С.Мөнхчулууныг нийслэлийн Засаг дарга бөгөөд Улаанбаатар хотын захирагчаар сонгосон. Улмаар энэхүү шийдвэрээ батламжлуулахаар Ерөнхий сайдад илгээсэн юм. Ерөнхий сайд НИТХ-ын энэхүү албан бичигт өчигдөр хариу өгчээ.  Ерөнхий сайд У.Хүрэлсүх “НИТХ-ын хурлын ээлжит бус VI хуралдаанаас нийслэлийн Засаг даргаар томилуулахаар нэр дэвшүүлсэн С.Мөнхчулууныг нийслэлийн Засаг даргаар томилохоос татгалзаж байгааг үүгээр мэдэгдэж байна” гэжээ.

Нэр дэвшигчийг Ерөнхий сайд батламжлаагүй учраас НИТХ дахин хуралдаж энэхүү асуудлыг хэлэлцэх юм. Улмаар Ерөнхий сайд НИТХ-ын дараагийн шийдвэрт ажлын тав хоногийн дотор хариу өгөх хуулийн зохицуулалттай.