Гамшгийн эрсдэлийг бууруулах Азийн сайд нарын бага хурлын онцлох хуралдаан болох  Монгол Улсын Засгийн газраас зохион байгуулж буй “Гамшигт тэсвэртэй дэд бүтэц, хот суурин газрын гамшигтай тэмцэх чадавхыг сайжруулах нь” сэдэвт хуралдаан үргэлжилж байна.

Өнөөдрийн  хуралдааныг Барилга, хот байгуулалтын сайд Х.Баделхан даргалж байгаа бөгөөд бүс нутгийн хэмжээнд шинээр үүсэх эрсдэлийг бууруулах, эрсдэлд тэсвэртэй дэд бүтцийг байгуулах, хот суурин газрын гамшгийг тэсвэрлэх чадавхыг бэхжүүлэх замаар тогтвортой хөгжлийг хангах арга замыг тодорхойлохоос гадна улс орнуудын гамшигт тэсвэртэй, хот суурин газрыг бий болгосон тэргүүн туршлага, ололт амжилт, тулгамдаж буй асуудлын талаар харилцан мэдээлэл солилцох юм.

Мөн дэлхийн болон бүс нутгийн хэмжээнд дэд бүтцийг хөгжүүлэх, хот суурин газрын гамшгийг тэсвэрлэх чадавхыг сайжруулахад чиглэсэн бодлого, техникийн шийдэл, нөлөөллийн цогц арга хэмжээ авах тухай зөвлөмжийг гаргана.