Засгийн газар ээлжит бусаар хуралдаан болж Хувь хүний орлогын албан татварын тухай хуульд өөрчлөлт оруулах тухай, Нийгмийн даатгалын сангаас олгох тэтгэвэр, тэтгэмжийн тухай хуульд нэмэлт, өөрчлөлт оруулах тухай болон дагалдах бусад хууль, тогтоолын төслийг хэлэлцээд УИХ-д өргөн мэдүүлэхээр болжээ. Тодруулбал, ОУВС-тай хийсэн хэлэлцээрийнхээ үр дүнгээр дээрх хуулиудад өөрчлөлт оруулахаар болжээ. Засгийн газар эдгээр хуулийн төслөө намрын чуулган завсарлахаас өмнө УИХ-аар хэлэлцэн шийдвэрлүүлэхээр төлөвлөөд байгаа юм. Засгийн газрын хуралдааны дараа Сангийн сайд Ч.Хүрэлбаатар мэдээлэл хийлээ.